About Us

Print

அன்பின் இணையத்தள நேயர்களுக்கு.............

அஸ்ஸலாமு அழைக்கும் வரஹ்மதுல்லாஹி வபரகாதுஹு

இஸ்லாத்தை அதன் தூய வடிவில் அறிந்து, அதன் வழி நடந்து, ஈருலகிலும் வெற்றியடைய வேண்டும் என்ற

நன்னோக்கில் 2009 ஆம் ஆண்டு ஜனவரி மாதம் 24 ஆம் திகதி உத்தியோகபூர்வமாக ஆரம்பிக்கப்பட்ட அமைப்பே

CRAWLEY DAWAH UNIT UK ஆகும்.

CRAWLEY DAWAH UNIT  [CDU என்ற  இவ்வமைப்பு தனது சேவைகளை மேலும் விரிவு படுத்தவும் இலாபமற்ற சமூக சேவை அமைப்பாக பதிவு செய்யவும் 

கடந்த 2011 ஆம் ஆண்டு  may மாதம் SRI LANKAN MUSLIM FOUNDATION CRAWLEY [SLMFC] என பெயர் மாற்றம் செய்யப்பட்டது


ஐக்கிய இராச்சியத்தின் தலைநகரான, லண்டன் மாநகரில் இருந்து ஏறத்தாள 30 கிலோமீட்டர் தெற்கே அமைந்துள்ள

வதிவியல் வசதிகளையும், இயற்கை அழகையும் கொண்ட பகுதியே CRAWLEY ஆகும்

இங்கு 1999 ஆம் ஆண்டு தொடக்கம் கல்வி, தொழில் போன்ற காரணங்களுக்காக இலங்கை முஸ்லிம்கள் படிப்படியாக குடியமரத் தொடங்கினர். 2000 ஆம் ஆண்டிலிருந்து வேகமாக அதிகரித்து வந்த இக்குடியமர்வு விகிதம். இன்று தனி நபர்கள் என்ற நிலை மாறி, கணிசமான அளவு குடும்பங்களாக குழந்தைகளோடு தற்போது வாழ்ந்து வருகின்றனர்.

இங்கு பல மொழிகளை பேசுகின்ற கணிசமான முஸ்லிம்களும்  வாழ்ந்து வருகின்றனர். இவர்களுள் இலங்கையைச் சேர்ந்த சில இளைஞர்களின் உள்ளத்தில். ஓரிறைக் கொள்கையை நிலைநாட்டுவதற்கும்,  குர்ஆன்  ஹதீஸினை விளங்கி நடப்பதற்கும், அதற்கான பயிற்ச்சிகளை வழங்குவதற்கும் ஓர் அமைப்பு தேவை என்பதனை உணர்ந்து, உருவாக்கப் பட்டதுதான் CRAWLEY DAWAH UNIT (CDU) ஆகும்.

மேற்கத்திய கலாசாரம் பரந்து விரிந்திரிக்கின்ற இங்கிலாந்தில், அல்லாஹ்வின் கிருபையால் எமது மார்க்கப் பிரச்சாரப் பணியை கொண்டு செல்வது இலகுவான காரியமாக இருந்தாலும், நம்மவர்கள் மத்தியில் சத்தியத்தை எடுத்துச் செல்வதில் எமது அமைப்பு பல சவால்களை சந்திக்க வேண்டி ஏற்பட்டதோடு, இன்றும் சந்தித்துக் கொண்டுதான் இருக்கிறது. எனினும் தேவைக்கேற்ப பல்வேறு சமூகப் பணிகளுடன் சத்தியக் கொள்கையை நிலை நாட்டும் பொருட்டு வாராந்தம் ஜும்மா, மற்றும் வியாழன் தோறும் மார்க்கத்தைக் கற்றுக் கொள்வதற்கான வகுப்புகள் தற்போது தமிழில் ஆண்கள், பெண்கள் இரு பாலாருக்கும் தொடர்ச்சியாக நடைபெற்று வருகிறது. அல்ஹம்துலில்லாஹ்.

இப்பிரச்சாரப் பணியை மேலும் விரிவு படுத்தவும், உலகத்தின் பல்வேறு பகுதிகளில் இயங்கும் தவ்ஹீத் எனும் ஏகத்துவக் கொள்கையை நிலைநாட்டப் பாடு படும் சகோதரர்களை ஒரே இடத்தில் சந்திக்கச் செய்யவும், மாற்றுக் கருத்துடையவர்கள் சுதந்திரமாக எமது கொள்கையை அறிந்து கொள்ளவும் இவ்விணையத்தளத்தை ஆரம்பிப்பதில் மட்டற்ற மகிழ்ச்சியடைகின்றோம்.

எல்லாப் புகழும் அல்லாஹ் ஒருவனுக்கே!